「多仔公」人辦 吳大強鼓勵周吉佩生多個

《中年好聲音》參賽者前日起一連兩日，舉行三場演唱會，早前出席活動時忽然暈倒的吳大強（Bill哥哥）如常演出，狀態大勇。他笑說︰「呢排無乜出街，練歌都喺屋企練，屋企人又煮好嘢畀我補下，體力回復晒，醫生檢查過晒無事，可以放心唱歌。」

同場的周吉佩（吉吉）早前在IG預告有「好消息」，有粉絲估計兩孩之父吉吉迎來第三胎，他否認說：「只能夠講有個好好嘅消息，關於歌曲上嘅新方向。未有（第三胎），將來唔敢講，暫時兩個夠晒數。」育有四名兒子的Bill哥哥聞言力勸：「我做你榜樣，後生加倍努力，三個、四個都係咁湊，小朋友接住着啲衫，唔使浪費衫褲！」